본문으로 가기 주메뉴로 가기 카피라이트로 가기

Эмнэлэгт хэвтэх/Эмнэлгээс гарах

Hanyang University International Hospital

H 홈으로 이동

Эмнэлэгт хэвтэх/Эмнэлгээс гарах

I. Эмнэлэгт хэвтэх ба эмнэлгээс гарах журам

  1. АЛХАМ
    1 Хэвтэн эмчлүүлэх шийдвэр

    Яаралтай тусламжийн болон амбулаторийн үзлэгийн дараа үзлэг хийсэн эмч эмнэлэгт хэвтэх шаардлагатай эсэхийг шийдвэрлэнэ.

  2. АЛХАМ
    2 Хэвтэн эмчлүүлэх өвчтний бүртгэл (захиалга) болон холбогдох бичиг баримт бүрдүүлэлт
    • Байршил : Төв байрны 3-р давхрын төлбөр тооцоо, бүртгэлийн албаны хэвтэн эмчлүүлэх өвчтний бүртгэл цонх (хэвтэн эмчлүүлэх гэрээний маягт болон заавар хуудас авна)
    • Тухайн өдөртөө хэвтэх бол : Холбогдох бичиг баримтын бүрдүүлэлт хийнэ → Өвчтөн таних бугуйвч, эмнэлэгт хэвтэх бичиг бүхий хавтас хүлээж аваад → Хуваарилагдсан тасгийн сувилагчид өгнө
    • Хэвтэх захиалга : Эмнэлэгт хэвтэх захиалгын өдрийг баталгаажуулаад гэртээ харина → Хэвтэх өдрийн өглөө төлбөр тооцоо, бүртгэлийн албанаас хэвтэн эмчлүүлэх өрөө болон эмнэлэг дээр ирэх цагийг утас/мессежээр мэдэгдэнэ. Анхаарах зүйлс
    • Хэвтэн эмчлүүлэх өрөөнд орох цаг : Эмнэлгийн өрөөнд үдээс хойш 13:00 цагаас хойш орох боломжтой.
    • Хэвтэн эмчлүүлэх баталгааны төлбөр : Гадаад улсад оршин суугч эсвэл Үндэсний Эрүүл Мэндийн Даатгалд хамрагдаагүй иргэд тооцоолсон зардлын 80–100% буюу түүнээс дээш хэмжээний урьдчилгаа төлбөр хийнэ. (Дотоодын өвчтөнд тооцдог төлбөрийн тарифаас 2.5-3 дахин их ба түүнээс илүү их зөрөө гарах магадлалтай гэдгийг анхаарна уу.)
  3. АЛХАМ
    3 Эмнэлгээс гарах журам
    • Эмнэлгээс гарах зөвлөгөө : Эмнэлгээс гарах шийдвэрийг хариуцсан эмч гаргах бөгөөд эмнэлгээс гарсны дараа анхаарах зүйлсийн талаар зөвлөгөө өгнө.
    • Амбулаторийн үзлэгийн цаг захиалга болон бичиг баримт олгох : Эмнэлгээс гарсны дараахи амбулаторийн үзлэгийн цагийг захиалаад шаардлагатай тодорхойлолт болон бичиг баримт гаргуулж авах заавар авна.
    • Төлбөр тооцоогоо хийж дуусгаад гэртээ харих : Эмнэлгийн төлбөр тооцоог хийж дуусгасны дараа, хэвтэн эмчлүүлэх тасгийн сувилагчаас хэрэглэх эм болон заавар аваад гэртээ харина.

II. Эмнэлэгт хэвтэх Заавар

Хэвтэн эмчлүүлэх өрөөний хуваарилалт

Эмнэлэгт хэвтэх өдрийн өглөө хэвтэн эмчлүүлэх өрөөг шийдвэрлэгдэнэ. Эмнэлгээс гарах өвчтөнний нөхцөл байдлаас шалтгаалан хүссэн өрөөнөөс өөр хэвтэн эмчлүүлэх өрөөнд хуваарилагдах боломжтой. (Хэвтэн эмчлүүлж буй өвчтөнүүдийг шилжүүлэн хуваарилсны дараа дарааллын дагуу хуваарилна.)

Эмчилгээний явцад хийх төлбөр тооцоо
  • Долоо хоногийн лхагва гариг тутамд эмчилгээний явцад хийх төлбөрийн баримт хэвтэн эмчлүүлэх өрөөнд хүргэгдэнэ.
  • Төлбөр төлөх газар : Төв байрны 3-р давхрын төлбөр тооцоо, бүртгэлийн алба (эмнэлгээс гарах) (Лавлах: Хэвтэн эмчлүүлж буй өвчтөн хариуцсан ажилтан)
  • Дансны шилжүүлэг : Шинхан банк 140-003-324575 (Данс эзэмшигч: Ханян Их сургуулийн Эмнэлэг)
Бичиг баримт олгох
  • Төрөл бүрийн тодорхойлолт, бичиг баримт гаргуулж авах шаардлагатай бол эмнэлгээс гарахаас 1 хоногийн өмнө хариуцсан сувилагчид хүсэлт гаргана.
  • Эмнэлгээс гарахад төлсөн төлбөрийн баримт болон эмчилгээний төлбөрийн дэлгэрэнгүй мэдээллийн хуудсыг төлбөр тооцоо, бүртгэлийн алба (эмнэлгээс гарах үед)-наас тусад нь олгодог.

III. Хэвтэн эмчлүүлэгчид өгөх заавар

1. Бэлдэж ирэх зүйлс ба авч ирэх эм
  • Эмнэлэгт хэвтэхэд бэлдэж ирэх зүйлс : Ариун цэврийн хэрэгсэл (алчуур, шүдний сойз, оо, шампунь, саван гэх мэт), хальтирдаггүй гэрийн шаахай, ариун цэврийн цаас, нойтон салфетка, аяга, усны сав, хувцас (дотуур хувцас, оймс гэх мэт), цэнэглэгч, асран хамгаалагчийн ор дэрний хэрэглэл болон бусад хувийн эд зүйлс
  • Авч ирэх эм : Эмнэлэгт хэвтэхээс өмнө хэрэглэж ирсэн эмийн талаарх мэдээллийг эмчид заавал мэдэгдэж, тэдгээрийг дур мэдэн ууж хэрэглэхийг хориглоно.
2. Өвчтөний тав тухтай байдлыг хангах үйлчилгээ
  • Цайны цагийн хуваарь : Өглөөний цай (07:20–08:10) / Өдрийн хоол (12:30–13:00) / Оройн хоол (18:00–18:30)
    • Тусгай хоол: Европ болон орос хоолны цэсийг сонгож хүсэлт гаргах боломжтой (нэмэлт төлбөртэй)
    • Асран хамгаалагчийн хоол: Сувилагчийн өрөөнд хүсэлт гаргах боломжтой (нэмэлт төлбөртэй)
  • • Өвтөний хувцас, орны даавуу : Шаардлагатай үед солих боломжтой бөгөөд хэрэглэсэн хувцас болон орны даавууг угаалгын эд зүйлс цуглуулах цэгт буцааж тавина. (Нэг хүнд нэг ширхэг хөнжил олгоно)
3. Эргэлт авах заавар
  • Энгийн хэвтэн эмчлүүлэх тасаг : Нэвтрэх үнэмлэхтэй зөвхөн нэг асран хамгаалагч байнга орж гарах боломжтой
  • Эрчимт эмчилгээний тасаг
    MICU (Эмнэлгийн ICU) / SICU (Мэс заслын ICU): 11:00–11:30
    EICU-1 (Яаралтай тусламжийн ICU): 11:30–12:00 / EICU-2 (Яаралтай тусламжийн ICU): 10:30–11:00
    NICU (Нярайн ICU) / Нярай Тасаг: 13:00–13:30
  • Эргэлтийн цаг нь эмнэлгийн баримтладаг бодлого болон тухайн тасгийн нөхцөл байдлаас шалтгаалан өөрчлөгдөж болно.
  • Өвчтөний аюулгүй байдал болон халдварт тавих хяналтыг хангах үүднээс эргэлтээр ирсэн хүний бүртгэл хийж байна.
4. Халдвараас урьдчилан сэргийлэх журам
  • Гарын ариун цэврийг сайтар сахиж, ханиалгах зөв дадал (ханиалгахдаа ам, хамраа ханцуйгаараа халхлах)-ыг мөрдөнө.
  • Ханиадтай болон халдварт өвчтэй хүмүүс, жирэмсэн эмэгтэйчүүд, ахмад настан (70 наснаас дээш), хүүхэд (12 наснаас доош) эргэлтээр орохыг хориглоно.
  • Хориглох зүйлс: Цэцэг, савтай ургамал, гэрийн тэжээмэл амьтан